نویں جماعت کے فریش طلباء کےلئے اسلامیات کا پرچہ 100 نمبر کا ہوگا

تعلیمی بورڈ ملتان کے کنٹرولر پروفیسر حامد سعید کا کہنا ہے کہ ہے تمام اساتذہ اور طلبا وطالبات کو آگاہ کیا جاتا ہے کہ اس سال فریش نویں کلاس کے اُمیدواران کیلئے اسلامیات لازمی کا پرچہ 100 نمبروں کا ہو گا، جس کے لیے تین گھنٹے کا وقت دیا جائے گا۔

اس بارے میں پنجاب ٹیکسٹ بورڈ نے ماڈل پیپر جاری کر دیا ہے جو کہ ملتان بورڈ کی ویب سائٹ پر برائے ملاحظہ اپ لوڈ کر دیا گیا ہے، اس پرچے کےلئے کوئی اضافی صفحات والی جوابی کاپی مہیا کرنے کی اجازت نہیں دی گئی ہے ۔