زکریا یونیورسٹی کی سیکورٹی کو فول پروف بنانے کےلئے آئی ٹی ماہرین کی خدمات لینے کافیصلہ
زکریا یونیورسٹی کو تھرٹ الرٹ جاری ہونے کے بعد یونیورسٹی انتظامیہ نے سیکورٹی سسٹم کو فول پروف بنانے کے لئے آئی ٹی ماہرین کی خدمات لینے کافیصلہ کیا ہے۔
ذرائع کا کہنا ہے کہ یونیورسٹی حکام کے لئے سب سے بڑا مسئلہ جو درپیش ہے وہ آوٹ سائیڈر کی آمد ہے، جو مختلف گیٹس سے کیمپس میں داخل ہوتے ہیں اور بدنظمی پیدا کرتے ہیں۔
ضلعی انتظامیہ کی طرف سے ملنے والے حکم کے بعد یونیورسٹی حکام نے سمارٹ سیکورٹی سسٹم کے انسٹال کے لئے کوشش تیز کردیں۔
ذرائع کے مطابق ایسا سافٹ ویئر بنوایا جارہا ہے جو مرکزی گیٹس پر نصب ہوگا، اور کیمپس میں داخل ہونے والے تمام افراد کو اپنا انگوٹھا سکین کرنا ہوگا ۔
فنگر پرنٹس کی تصدیق کےلئے نادرا کی خدمات بھی لی جائیں گی، تاکہ فوری طورپر اس شخص کی تصدیق ہوسکے ۔
اس بارے میں آر او آفس نے بھی تصدیق کی ہے کہ سمارٹ سیکورٹی سسٹم کےلئے تیاریاں کی جارہی ہیں، یونیورسٹی کے شعبہ کمپیوٹر سائنسز کی مدد لی جائے گی، اور سافٹ بنوایا جائے گا ۔
ایک آپشن یہ بھی کہ کیمپس میں داخل ہونے والے شناختی کارڈ کو سکین کیا جائے، تاہم دونوں آپشن کے ساتھ سیکورٹی ارینجمنٹ کی جائے گی ۔
