جمنیزیم ملتان میں بڑی تقریب کا انعقاد
"کھیلتا پنجاب” ڈسٹرکٹ لیول انعامی چیک تقسیم کردیے گئے۔
ڈسٹرکٹ سپورٹس ڈیپارٹمنٹ ملتان کے زیر اہتمام ای لائبریری میں ایک تقریب منعقد ہوئی، جس میں "کھیلتا پنجاب” پروگرام ڈسٹرکٹ لیول کی فاتح کلبوں اور کھلاڑیوں میں انعامی چیک تقسیم کردیے گئے۔
اس موقع پر عدنان نعیم ڈسٹرکٹ سپورٹس آفیسر ملتان اقراء اسلم، تحصیل سپورٹس آفیسر جلال پور پیر والہ محبوب رحمان، شیخ آصف، منظور لطیفی، شاہد لطیف، انیس خان، خرم نقوی، رانا حبیب بھی موجود تھے۔
ڈسٹرکٹ سپورٹس آفیسر ملتان عدنان نعیم کے مطابق وزیر اعلیٰ پنجاب مریم نواز کی ہدایت پر پنجاب بھر میں گراس روٹ لیول پر کھیلوں کے فروغ کے لیے سپورٹس اینڈ یوتھ افئیر ڈیپارٹمنٹ پنجاب نے ڈسٹرکٹ لیول پر چھ مقابلہ جات منعقد کیے، جس میں شریک کھلاڑیوں کو پرکشش انعامات اور انعامی رقم رکھی گئی تھی۔
اس سلسلہ میں ملتان ڈسٹرکٹ کی فاتح کرکٹ ٹیپ بال، بیڈمنٹن بوائز اینڈ گرلز، کبڈی، ہاکی، فٹبال اور اتھلیٹکس کے ونر اور رنر اپ کلبوں اور کھلاڑیوں میں گیارہ لاکھ پچاس ہزار کی انعامی رقم کے چیکس تقسیم کیے گئے۔
تقریب میں تمام کھیلوں کے فوکل پرسن کھلاڑیوں نے شرکت کی۔
