میٹرک کے امتحانات کے لئے امیدواروں کو تازہ تصویر لگانے کی ہدایت

ملتان سمیت پنجاب بھر کے تعلیمی بورڈز میں میٹرک اور انٹرمیڈیٹ کے داخلہ فارم جمع کرانے کے حوالے سے نئی ہدایات جاری کردیں، جن کے مطابق امیدواروں کو اپنی تازہ تصاویر چسپاں کرنے کی ہدایت دی گئی ہے۔

بورڈ حکام نے واضح کیا کہ پرانی یا غیر مطابقتی تصاویر چسپاں کرنے والے اُمیدواروں کا داخلہ فارم قبول نہیں کیا جائے گا۔

مراسلے میں کہا گیاہے کہ قواعد و ضوابط کا اطلاق تمام پبلک اور پرائیویٹ سکولوں پر یکساں طور پر ہوگا، پرانی تصاویر چسپاں کرنے سے جعلی امیدواروں کی شناخت میں مشکلات پیش آتی ہیں اور اس سے امتحانی سنٹرز میں طلباء کی پہچان میں دشواری ہوتی ہے۔

تازہ تصاویر سے امتحانی سنٹرز میں طلباء کی پہچان کرنا آسان ہے۔