میٹرک کے پرچوں کی ری چیکنگ کیلئے درخواستوں کی وصولی شروع

تعلیمی بورڈز نے میٹرک کے پرچوں کی ری چیکنگ کیلئے درخواستوں کی وصولی شروع کردی، درخواستیں 15 ستمبر تک جمع کروائی جاسکیں گی۔

تفصیل کے مطابق پنجاب بھر کے تعلیمی بورڈز نے امیدواروں سے پرچوں کی ری چیکنگ کیلئے درخواستیں طلب کرلیں۔

صوبہ بھر کے 9 تعلیمی بورڈز نے امیدواروں سے درخواستیں طلب کی ہیں۔

15 ستمبر تک درخواستیں بورڈ حکام کو آن لائن جمع کروائی جاسکیں گی۔

ایک پیپر ری چیکنگ کروانے کی فیس ایک ہزارروپے رکھی گئی ہے۔

امیدواروں کی جانب سے پرچوں کی چیکنگ ٹھیک نہ ہونے کی شکایات کی گئی ہیں، پیپروں کی غلط مارکنگ پر طلباءکو ری چیکنگ فیس واپس کردی جائے گی۔