تمام سرکاری کالجز میں میواکی جنگل لگانے کا فیصلہ
سیکرٹری ہائر ایجوکیشن ڈیپارٹمنٹ جنوبی پنجاب محمد الطاف بلوچ نے گورنمنٹ گرلز کالج بوسن روڈ ملتان میں پودا لگا کر شجر کاری مہم 2023 کا افتتاح کر دیا۔
اس موقع پر میڈیا سے بات کرتے ہوئے سیکرٹری ہائر ایجوکیشن نے بتایا کہ جنوبی پنجاب کے تمام سرکاری کالجوں میں ایک ایک میاواکی جنگل لگایا جائے گا ، اور جنوبی پنجاب کو ماحولیاتی مضر اثرات سے بچانے کے لیے اور کالجز کی آب و ہوا میں بہتری کے لیے سرکاری کالجوں میں پانچ لاکھ پودے لگائے جائیں گے۔
اس حوالے سے اقدامات شروع کر دیے گئے ہیں، اور کالجز میں زمین کی نشاندہی اور تیاری کا عمل جاری ہے۔
اس موقع پر ایڈیشنل سیکرٹری ایڈمن عطاء الحق، ایڈیشنل سیکرٹری ہائر ایجوکیشن طارق محمود اور ڈی پی آئی جنوبی پنجاب ڈاکٹر فرید شریف بھی ان کے ہمراہ تھے۔
سیکرٹری ہائر ایجوکیشن جنوبی پنجاب نے کالج کے اساتذہ کے ساتھ ایک میٹنگ کے دوران سیکرٹری جنوبی پنجاب کو کالج اساتذہ کے مسائل کے بارے میں بتایا گیا۔
محمد الطاف بلوچ نے کالج اساتذہ کے مسائل اور تعلیمی معیار کی بہتری کے لیے لیے ہدایات جاری کیں۔
