Breaking NewsEducationتازہ ترین
مڈل اور میٹرک سطح پر ٹیک ایجوکیشن کا آغاز کرنے کا فیصلہ

پنجاب بھر کے سرکاری سکولوں میں نئے تعلیمی سال سے مڈل اور میٹرک سطح پر ٹیک ایجوکیشن کا آغاز کرنے کا فیصلہ ،سیکرٹری سکولز نے کتابوں کی چھپائی کا حکم دے دیا ہے۔
تفصیل کے مطابق تمام سی ای اوز سے مڈل اور میٹرک ٹیک میں داخلہ لینے والے بچوں کی تعداد طلب کی گئی ہے، جس کے مطابق نئی کتابیں چھاپی جائیں گی۔
مڈل اور میٹرک ٹیک ایجوکیشن میں ایگریکلچر، انفارمیشن ٹیکنالوجی، ہیلتھ سائنسز اور فیشن ڈیزائنگ جیسے شعبے شامل کیے جائیں گے۔
سیکرٹری سکولز خالد نذیر وٹو نے کہا کہ ٹیک ایجوکیشن کا مقصد سرکاری سکولوں کے بچوں کو ہنر مند بنانا ہے تاکہ وہ عملی میدان میں کامیاب ہو سکیں۔