زکریا یونیورسٹی اور غازی یونیورسٹی کے مابین ایم او یو سائن
بہاء الدین زکریایونیورسٹی ملتان کے وائس چانسلر آفس میں بہاء الدین زکریایونیورسٹی ملتان اور غازی یونیورسٹی ڈیرہ غازی خان کے درمیان ایک یادداشت پر دستخط کرنے کی تقریب منعقد ہوئی۔
یادداشت کی تقریب میں وائس چانسلر بہاء الدین زکریایونیورسٹی پروفیسر ڈاکٹر منصور اکبر کنڈی ، ڈائریکٹر اورک پروفیسر ڈاکٹرنجم الحق جبکہ غازی یونیورسٹی ڈیرہ غازی خان کی طرف سے وائس چانسلر پروفیسر ڈاکٹر محمد طفیل اور ڈائریکٹر اورک محمد علی ترار نے حصہ لیا۔
اس موقعہ پر وائس چانسلر نے مہمانوں کا شکریہ ادا کیا ۔
اس موقعہ پر ڈین پروفیسر ڈاکٹر عمران شریف چوہدری اور ڈین پروفیسر ڈاکٹر طاہر سلطان بھی موجود تھے۔
ایم او یو کے بارے ڈائریکٹر اورک بہاء الدین زکریا یونیورسٹی پروفیسر ڈاکٹر نجم الحق نے بتایا کہ اس یادداشت کا مقصد دونوں یونیورسٹیاں مل کر مشترکہ ریسرچ ، سیمینر ، ورکشاپ منعقدکریں گی اس کے علاوہ یو نائٹیڈ نیشن کے ایس ڈی جی حاصل کرنے کے لیے مشترکہ کوشش کی جائے گی ۔
انہو ں نے بتایا کہ یہ یادداشت چار سال کے لیے ہوگی۔ ان چار سالوں میں اساتذہ ، طلباء طالبات دونوں یونیورسٹی کی لیب اور ایکوپمنٹ سے مستفید ہوسکیں گے۔