ملتان آرم ریسلنگ چیمپئن شپ رانا اکبر نے جیت لی

سپورٹس ڈیپارٹمنٹ ملتان اور ملتان ڈویژن آرم ریسلنگ ایسوسی ایشن کے زیر اہتمام دوسری مسٹر ملتان آرم ریسلنگ چیمپئن شپ کے مقابلہ جات سپورٹس جمنیزیم ملتان میں منعقد ہوئے۔

جس میں جونئیر انڈر 19 اوپن مقابلہ جات میں مدثر بن محمود جٹ نے 70کلو گرام۔عبدالرحمان خان۔80کلو گرام محمد طلال الہٰی ۔90کلوگرام ۔اسماعیل خان۔100کلو گرام۔عبداللٰلہ خاکوانی۔ 110کلو گرام رانا اکبر 110پلس اوپن میں فاتح رہے، جبکہ ٹائٹل فائٹ ٹاپ تھری میں رانا اکبر نے پہلی پوزیشن گولڈ میڈل۔ دوسری پوزیشن سلور محمد طلال االہٰی ۔اور تیسری پوزیشن برونز میں مدثر بن محمود جاوید نے حاصل کی ۔

اس موقع پر منعقدہ تقریب تقسیم انعامات میں پیٹرن آرم ریسلنگ ایسوسی ایشن۔ محمد جمیل کامران۔صدر ملتان ڈویژن نواب علی۔ سیکرٹری ملتان ڈویژن بہادر علی جبکہ تقریب کے مہمان خصوصی لاہور سے آئے ہوئے انٹر نیشنل آرم ریسلر عثمان بٹ تھے۔

محمد جمیل کامران نے کہا کہ صحت مندانہ سرگرمیوں کو فروغ دینا ہمارا مشن ہے۔
اسی سلسلہ میں یہ چیمپئن شپ منعقد کی گئی ہے۔ تاکہ نوجوان کھلاڑیوں میں جیت کا جذبہ اجاگر ہو۔

نواب علی نے کہا کہ آرم ریسلنگ کے ذریعے نوجوان اپنی طاقت کا اظہار کرتے ہیں ۔

عثمان بٹ نے جیتنے والے کھلاڑیوں کو مبارکباد دیتے ہوئے کامیاب ایونٹ کے انعقاد پر منتظمین کو خراج تحسین پیش کیا، اور امید ظاہر کی کہ اس سلسلے کو مستقبل میں بھی جاری رکھا جائے گا۔

تقریب کے آخرمیں جیتنے والے کھلاڑیوں میں میڈلز اور انعامات تقسیم کیے گئے۔