مرتضیٰ نور پاکستان افریقہ اکنامک کونسل اسلام آباد ریجن کے جنرل سیکرٹری تعینات
وہاڑی سے تعلق رکھنے والے محمد مرتضیٰ نور کی پاکستان افریقہ اکنامک کونسل اسلام آباد ریجن کے جنرل سیکرٹری کے طور پر تعینات کردیا گیا۔
تفصیل کے مطابق وہاڑی سے تعلق رکھنے والے محمد مرتضیٰ نور کو پاکستان افریقہ اکنامک کونسل نے اسلام آباد ریجن کے لیے جنرل سیکرٹری مقرر کر دیا ہے۔
یہ اعلان پی اے ای سی کے بورڈ آف ڈائریکٹرز اور سینٹرل ایگزیکٹو کمیٹی کی جانب سے کیا گیا، جنہوں نے بین الاقوامی تعاون کے فروغ کے لیے ان کی خدمات، قائدانہ صلاحیتوں اور مستقل کاوشوں کو سراہا۔اپنے نئے منصب میں محمد مرتضیٰ نور ادارے کے انتظامی امور، ممبرشپ ڈیولپمنٹ، ایونٹ کوآرڈینیشن اور اسٹریٹیجک رابطہ کاری کی نگرانی کریں گے۔
پی اے ای سی کی قیادت نے مکمل اعتماد کا اظہار کرتے ہوئے کہا کہ ان کی متحرک قیادت کونسل کی رسائی میں اضافہ کرے گی اور پاکستان و افریقہ کے درمیان اقتصادی و ادارہ جاتی روابط کو مزید مضبوط بنائے گی۔
اعلیٰ تعلیم، ڈویلپمنٹ اور بین الاقوامی تعاون کے شعبوں میں 25 سال سے زائد تجربے کے حامل محمد مرتضیٰ نور تعلیمی نیٹ ورکنگ، نوجوانوں کی ترقی اور پالیسی ایڈووکیسی کے حوالے سے نمایاں مقام رکھتے ہیں۔ وہ آئی یو سی پی ایس ایس کے نیشنل کوآرڈینیٹر ہیں، جو سرکاری و نجی جامعات کا سب سے بڑا نیٹ ورک ہے، ایسوسی ایشن آف پرائیویٹ سیکٹر یونیورسٹیز پاکستان کے ایگزیکٹو ڈائریکٹر اور اکیڈمیا—انڈسٹری لنکیجز فورم کے سینیئر نائب صدر بھی ہیں۔ وہ انٹرنیشنل اسٹوڈنٹس کنونشن اینڈ ایکسپو کے بانی بھی ہیں، جو پاکستان کا سب سے بڑا طلباء پر مبنی پلیٹ فارم ہے۔
