یوم تکریم شہداء : زکریا یونیورسٹی میں ریلی

بہاء الدین زکریا یونیورسٹی میں ڈائریکٹوریٹ آف سٹوڈنٹس افیئرز کی جانب سے یوم تکریم شہداء کی پروقار تقریب منعقد کی گئی۔

تقریب میں پاک فوج کے ان شہداء کو خراج عقیدت پیش کیا گیا، جنہوں نے پاکستانی عوام کی سلامتی اور فلاح و بہبود کے لیے اپنی جانیں قربان کیں۔

شرکاء نے فوج کی قربانیوں کو خراج تحسین پیش کیا، انہوں نے اپنی غیر متزلزل حمایت کا اظہار کرتے ہوئے اپنے ملک کو دشمنوں کے ہاتھوں عدم استحکام سے بچانے کے عزم کا اظہار کیا۔

تقریب کے دوران پروفیسر ڈاکٹر مقرب اکبر اور پروفیسر ڈاکٹر محمد فواد رسول نے 1948، 1965 اور 1971 کی جنگوں میں پاک فوج کی قربانیوں پر روشنی ڈالی۔

انہوں نے قوم میں استحکام لانے میں فوج کے کردار پر بھی زور دیا۔