بجلی مزید مہنگی ہو گئی

مہنگائی کی چکی میں پسی عوام کو بجلی کا ایک اور زوردار جھٹکا لگ گیا۔

نیپرا نے بجلی 1روپے 55 پیسے فی یونٹ مزید مہنگی کردی جس کا نوٹیفکیشن جاری کر دیا گیا ہے۔

نیپرا کا کہنا ہے کہ اضافہ رواں مالی سال کی دوسری سہ ماہی ایڈجسٹمنٹ کی مدمیں کیا گیا ہے, اور قیمت میں اضافے کا اطلاق یکم جولائی 2022 سے ہوگا۔

نوٹیفکیشن کے مطابق اضافے کا بجلی صارفین پر 39 ارب روپے کا اضافی بوجھ پڑے گا، بجلی صارفین سے اضافی وصولی 3 ماہ کیلئے کی جائے گی جب کہ قیمت کا اطلاق لائف لائن اور کے الیکٹرک صارفین پر نہیں ہوگا۔

گزشتہ روز نیپرا نے کے الیکٹرک کیلیے مئی کے فیول چارجز ایڈجسٹمنٹ میں 9روپے 52 پیسے فی یونٹ اضافےکی منظوری دی تھی۔