Breaking NewsEducationتازہ ترین
پاسنگ مارکس 40 کرنے کا معاملہ، پالیسی کا اطلاق سال 2026 سے ہوگا

صوبہ بھر کے تعلیمی بورڈز کے تحت امتحانات میں پاسنگ مارکس 40 کرنے کا معاملہ،پالیسی کا اطلاق سال 2026 سے ہوگا۔
نئی پالیسی کے اطلاق بارے پنجاب بھر کے تمام تعلیمی بورڈز کو احکامات جاری کردئیے گئے، پالیسی کے مطابق امیدوار کو پاس ہونے کیلئے کم سے کم مارکس 40 کرنا ہوں گے، رواں سال سے پاسنگ مارکس کو 33 سے بڑھا کر 40 کیا جانا تھا، فیصلے کی حتمی منظوری تاحال پنجاب کابینہ سے نہ لی جاسکی۔
ہائیر ایجوکیشن ڈیپارٹمنٹ نے پالیسی کی منظوری کیلئے سمری بھی تیار کر رکھی ہے، نمبروں میں اضافے کے ساتھ ساتھ گریڈنگ فارمولا بھی امتحانات کے لیے نافذ کیا جائے گا، امتحانی نظام میں اہم تبدیلیاں کی منظوری لینے کیلئے ہائیر ایجوکیشن ڈیپارٹمنٹ نے ورکنگ کا باقاعدہ آغاز کردیا ہے۔