چیمپئنز ٹرافی : شیریاس آئیر کی بیٹنگ کی بدولت بھارت کا نیوزی لینڈ کو جیت کے لیے 250 رنز کا ہدف
شیریاس آئیر کی نصف سنچری مکمل کی اور 79 رنز بنائے، میٹ ہینری کی 5 وکٹیں
دبئی میں کھیلے جارہے چیمپئنز ٹرافی کے میچ میں بھارت کا نیوزی لینڈ کو جیت کے لیے 250 رنز کا ہدف ہے۔
آئی سی سی چیمپئنز ٹرافی میں گروپ اسٹیج کے آخری میچ میں بھارت نے پہلے کھیلتے ہوئے نو وکٹوں کے نقصان پر مقررہ 50 اوورز میں 249 رنز بنائے ہیں اور نیوزی لینڈ کو جیت کے لیے 250 رنز کا ہدف دیا ہے۔
نیوزی لینڈ کے خلاف بھارت ٹاپ آرڈر مشکلات کا شکار رہی، بھارتی ٹیم کے تین کھلاڑی 30 رنز پر ہی پویلین لوٹ گئے، شبھمن گل 2، روہت شرما 15 اور ویرات کوہلی 11 رنز بناکر آؤٹ ہوئے۔
شریاس آئیر کی نصف سنچری کی بدولت بھارت گیم میں واپس آیا اور 9 وکٹیں گنوانے کے بعد مجموعہ249 رنز پر پہچایا ۔
کیویز اور بھارتی سورماؤں کا یہ میچ اس لیے اہم ہے کہ اس کے نتیجے کے بعد پوائنٹس ٹیبل پر ٹیموں کی پوزیشن واضح ہوجائے گی۔ اس میچ کے بعد پتہ چلے گا کہ کون سی ٹیم سیمی فائنل میں کس سے مقابلہ کرے گی۔ ٹورنامنٹ کے سیمی فائنل میں بھارت، نیوزی لینڈ، آسٹریلیا اور جنوبی افریقا پہنچ چکی ہیں۔
نیوزی لینڈ کی جانب سے میٹ ہنری نے 5 جبکہ باقی بالرز نے ایک ایک کرکٹ حاصل کی۔
