Breaking NewsEducationتازہ ترین
کالجز میں داخلوں کی رفتار سست ہونے پر پرنسپلز کو نوٹس، اساتذہ کا احتجاج

ایچ ای ڈی نے صوبے بھر کے کالجز میں زیادہ سے زیادہ داخلے کرنے کا ٹاسک دیا ہے اور کہا کہ ڈپٹی ڈائریکٹر کالجز داخلوں کی رفتار کو بڑھانے کےلئے روزانہ کی بنیاد پر پرنسپلز سے رپورٹ طلب کریں اور سست رفتار والے پرنسپلز کے خلاف کارروائی کی جائے، جس پر صوبے بھر میں پرنسپلز کو نوٹس بھی جاری کردئیے گئے ہیں۔
جس پر اساتذہ کا احتجاج سامنے آیا ہے ان کا کہنا ہے کہ ایک طرف ایچ ای ڈی کا حکم ہے کہ پندرہ اگست تک داخلے کریں اور پراگریس رپورٹ روزانہ بھجوائیں تو اس سے پون مہینہ قبل جواب طلبی سراسر زیادتی ہے۔
پنجاب بورڈ کمیٹی آف چیرمینز نے آج تک شیڈول کالجز کو نہیں بھجوایا، چند روز کی سست داخلوں کی رفتار پر نتیجہ نکال لینا افسوس ناک ہے، پرنسپلز کو دھمکیاں دینے کاسلسلہ ختم کیا جائے ۔