کمشنر آفس میں اوپن ڈور پالیسی اور فائل ٹریکنگ سسٹم کے نفاذ کا حکم

کمشنر ملتان ڈویژن انجینئر عامر خٹک چارج سنھبالتے ہی گڈ گورننس کیلئے سرگرم ہوگئے ۔

انہوں نے کمشنر آفس میں اوپن ڈور پالیسی اور فائل ٹریکنگ سسٹم کے نفاذ کا حکم دیتے ہوئے کمشنر آفس کے افسران و اہلکاروں کو عوامی خدمت کا ٹاسک سونپ دیا۔

انہوں نے کہا کہ ڈویژنل و ضلعی محکموں سے پہلے اپنے آفس کی کارکردگی کا آڈٹ کرونگا۔

روایتی کلچر کو ختم کرکے اوپن ڈور پالیسی نافذ کی جائے۔کسی شہری سے برا سلوک کی شکایت ہرگز برداشت نہیں کی جائے گی۔

کمشنر آفس حکومت کا فیس ہے، بہتر امیج کیلئے شہریوں سے نرم رویہ اپنائیں۔

کمشنر عامر خٹک نے کہا کہ کمشنر آفس سے غیر متعلقہ شکایت بارے شہری کو مکمل گائیڈ کیا جائے اور ، متعلقہ محکمہ کو آگاہ کریں۔ فائل ٹریکنگ میکنزم مرتب کرنے کا حکم دیتے کوئے انہوں نے کہا کہ ہمیں اداروں، دفاتر اور پورے سسٹم پر شہریوں کا اعتماد بحال کرنا ہے۔

اس موقع پر متعلقہ افسران و اہلکار موجود تھے۔