زکریا یونیورسٹی کے عثمان ہال میں آوٹ سائیڈرز کی رہائش کا انکشاف، انتظامیہ بے خبر

زکریا یونیورسٹی کے عثمان ہاسٹل کے کمرہ نمبر 138میں آوٹ سائیڈر کی رہائش رکھنے کا انکشاف ہوا ہے۔

ذرائع کاکہنا ہے کہ ملک وقار اور عتیق نامی دو افراد کئی ماہ سے ہاسٹل میں رہائش پزیر ہیں، دونوں یونیورسٹی میں غیر اخلاقی سرگرمیوں میں ملوث بھی بتائے جاتے ہیں۔

گزشتہ روز بھی انہوں نے ایک طالبہ کے ساتھ بدتمیزی کرنے کی کوشش کی، جب ان سے پوچھا جاتا ہے تو ان کو موقف ہوتا کہ وہ وزیٹنگ فیکلٹی ہیں جبکہ وزیٹنگ فیکلٹی کو یونیورسٹی میں خصوصا ہاسٹل میں رہائش رکھنے کی اجازت نہیں ہے۔

دونوں آوٹ سائیڈرز کی رہائش کے بارے میں انتظامیہ بھی بے خبر نکلی، جب چیئرمین ہال کونسل ڈاکٹر شکیل رندھاوا سے اس بابت پوچھا گیا تو انہوں نے کہا کہ اس معاملے کی چھان بین کی جائے گی ۔