ٹیسٹ سیریز : پاکستان اور انگلینڈ کے کھلاڑیوں کی مشترکہ پریکٹس
پاکستان اور انگلینڈ کے کھلاڑیوں نے پہلے ٹیسٹ میچ سے قبل ملتان کرکٹ اسٹیڈیم میں ایک ساتھ نیٹ پریکٹس کیز گزشتہ روز پاکستان اور انگلینڈ کی ٹیموں نے ملتان کرکٹ اسٹیڈیم میں پریکٹس کی۔ انگلینڈ اور پاکستان کے درمیان پہلا کرکٹ ٹیسٹ 7 اکتوبر سے ملتان کرکٹ اسٹیڈیم میں شروع ہوگا۔
اس کیلئے پاکستانی ٹیم ایک روز کے وقفہ کے بعد اسٹیڈیم پہنچی جب کہ انگلش ٹیم نے مسلسل دوسرے روز پریکٹس کی ہے۔ کھلاڑیوں نے ابتداء میں فزیکل ٹریننگ کی اور اس کے بعد نیٹ پر باؤلنگ و بیٹنگ پریکٹس کرتے رہے، یہ سلسلہ کافی دیر جاری رہا۔
دونوں ٹیمیں پہلے ٹیسٹ میچ میں جیت کے لئے پر عزم دکھائی دی ہیں۔
ملتان کرکٹ اسٹیڈیم میں 2 نیٹس لگائے گئے اور ایک ایک نیٹ دائیں اور بائیں کونے میں تھا۔
یوں چاروں جانب بائولنگ،بیٹنگ،رننگ،ایکشن کے مناظر ایک ساتھ دیکھنے کو ملے ہیں۔دونوں ٹیموں کے اسکواڈز کے تمام پلیئرز اس میں شریک تھے اور کوچز خاصی محنت کرتے دکھائی دیئے ہیں۔
