Paid ad
Breaking NewsSportsتازہ ترین

ملتان ٹیسٹ : پاکستان کو جیت کے لئے 178 رنز درکار، 6 وکٹیں باقی

254 رنز کے تعاقب میں 4 وکٹیں گرگئیں، بابر اعظم 31 جبکہ کامران غلام 19 کے ساتھ نمایاں سکورر رہے، دوسرے روز 91 اوورز کا کھیل ہوا

پاکستان بمقابلہ ویسٹ انڈیز ٹیسٹ سیریز کے دوسرے میچ کے دوسرے روز مہمان ٹیم نے اپنی دوسری اننگ میں 1۔66 اورز میں 244 رنز بنائے، اور پاکستان کو جیت کےلئے254 کا ہدف دیا، جواب میں پاکستان نے کھیل کے اختتام پر 24 اوورز میں 4 وکٹوں کے نقصان پر76 بنائے، ابھی فتح کےلئے 178 رنز درکار ہیں جبکہ ابھی 6 وکٹیں باقی ہیں۔

یہ بھی پڑھیں ۔
ملتان ٹیسٹ: ویسٹ انڈیز دوسری اننگ میں 244 پر آؤٹ، پاکستان کو میچ جیتنے کےلئے 254 کا ٹارگٹ

پاکستان نے اپنی دوسری اننگ کا آغاز کیا تو ہدف تعاقب میں پہلی 2 وکٹیں محض 5 کے سکور پر گرگئیں، کپتان شان مسعود اور محمد ہریرہ 2-2 رنز بناکر بالترتیب سنکلئیر اور گداکیش موتی کا شکار بنے۔

یہ بھی پڑھیں ۔
ملتان ٹیسٹ : محمد رضوان فیلڈنگ کرتے ہوئے زخمی ہو گئے

تیسری وکٹ کی شراکت میں بابر اعظم اور کامران غلام نے سکور کارڈ سمبھالا، اور محتاط انداز میں بیٹنگ شروع کی، 28 کے ٹیم اسکور پر بابر اعظم کو گولڈن چانس مل گیا،جب گوداکیش موتی نے بابر اعظم کا سیدھا آسان کیچ ڈراپ کردیا۔بابر اس وقت 13 رنز پر کھیل رہے تھے۔

یہ بھی پڑھیں ۔
ویسٹ انڈیز کپتان نے ریویوز کو چکمہ دے دیا

تاہم کامران غلام بڑی اننگ کھیلنے میں ناکام نظر آئے اور 19 کے ذاتی سکور پر وارکین کی گیند پر عامر جانگو ککے ہاتھوں کیچ آؤٹ ہوگئے، اور بابر اعظم 31 رنز بناکر سنکلئیر کی گیند پر تھنزے کے ہاتھوں کیچ آؤٹ ہوگئے۔

دوسرے روز کھیل کے اختتام پر کاشف علی 1 جبکہ سعود شکیل 13 پر ناٹ آؤٹ کریز پر موجود ہیں۔

یہ بھی پڑھیں ۔
پاکستان بمقابلہ ویسٹ انڈیز ٹیسٹ سریز: دوسرے میچ کی پہلی اننگ میں پاکستانی بالرز کا راج، ویسٹ انڈیز 163 پر آؤٹ،نعمان علی کی 6 وکٹیں

ویسٹ انڈیز کی جانب سے سنکلئیر نے 2 جبکہ وارکین اور گدا کیش موتی نے 1-1 وکٹ حاصل کی۔

اس سے قبل کھیل کے پہلے سیشن میں ویسٹ انڈیز کے بیٹر چھائے رہے، سنگل ، ڈبل کرکے مجموعہ 244 تک لے گئے، اور جیت کےلئے پاکستان کو 254 کا ٹارگٹ دی، کپتان کریگ بریتھویٹ 52، ٹیون املاچ 35،عامر جانگو30، سنکلئیر 28 کے ساتھ نمایاں رہے۔

یہ بھی پڑھیں ۔
باؤلنگ میں غلطیاں دور کرکے میچ میں واپس آئیں گے، نعمان علی

ویسٹ انڈیز کی دوسری اننگ میں صرف 14 چوکے اور 2 چھکے شامل تھے، جبکہ باقی سکورز بلےبازوں نے وکٹ پر دوڑ کر بنائے۔

دوسرے روز ویسٹ انڈیز نے اپنی دوسری اننگ کا آغاز کیا تو اوپنر بلے بازوں نے محتاط انداز اختیار کیا اور 50 رنز کا اوپننگ سٹینڈ فراہم کیا، میکائل لوئس 7 رنز بناکر نعمان علی کی گیند پر شان مسعود کے ہاتھوں کیچ آؤٹ ہوئے۔

سکور کارڈ کو آگے بڑھاتے ہوئے کپتان کریگ بریتھویتھ نے ٹیسٹ کرئیر کی 31 ویں نصف سنچری مکمل کی، جسمیں 2 چھکے اور 4 چوکے شامل تھے۔عامر جانگو کے ساتھ ملکر مجموعہ 92 تک پہنچایا ، نعمان علی کی بال پر شارٹ کھیلنے کےلئے کریز سے باہر نکلے اور محمد رضوان کی برق رفتاری کا شکار ہوئے اور اسٹمپ آؤٹ ہوگئے۔

تیسری وکٹ عامر جانگو کی صورت میں گری، جنہوں نے 30 رن سکور کیے اور ساجد خان کی بال پر سلمان علی آغا کو کیچ دے بیٹھے،ان کی اننگ مین 3 چوکے شامل تھے۔ کیویم ہوج 15 سکور بنانے کے بعد نعمان علی کی گیند پر اسٹمپ آؤٹ ہوئے۔

چھٹی وکٹ ساجد خان کے حصے میں آئی، انہوں نے جسٹن گریوز کو آؤٹ کیا جنہوں نے 10 رنز بنائے، کیون سنکلئیر 28 رنز پر بولڈ ہوئے، ان کو بھی ساجد خان نے آؑؤٹ کیا۔
آٹھویں آؤٹ ہونے والے بلےباز ٹیون املاچ تھے جنہوں نے 35 رنز سکور کیے اور کاشف علی کی گیند پر ایل بی ڈبلیو آؤٹ ہوئے۔

پہلی اننگ کے ہیرو گدکیش موتی بڑی اننگ نہ کھیل سکے اور 18 کے ذاتی سکور پر ساجد خان کی گیند پر ایل بی ڈبلیو آؤٹ ہوگئے۔

آخری وکٹ کی شراکت میں 10 رنز بنے اور وارکین 18 سکور بنانے کے بعد ساجد خاں کی بال آؤٹ ہوگئے، جبکہ کیمار روج 4 رنز پر ناٹ آؤٹ رہے۔

پاکستان کی جانب سے نعمان علی نے 4، ساجد خان 34 جبکہ ابرار احمد اور کاشف علی نے1-1 وکٹ حاصل کی، جبکہ 21 فاضل رنز دیئے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button