پاکستان ساؤتھ افریقہ ٹی ٹوئینٹی سیریز: دوسرا میچ جیتنے کے لیے ساؤتھ افریقہ کو 207 کا ہدف
صائم ایوب 2 رنز کمی سے کیرئیر کی پہلی سنچری مکمل نہ کرسکے، بابر اعظم 31، عرفان خان کے 30 رنز
سنچورین کے سپر سپورٹس اسٹیڈیم میں پاکستان ساؤتھ افریقہ کی ٹیموں کے مابین دوسرے میچ کا کھیل جاری ہے۔
پاکستان نے ٹاس جیت کر پہلے بیٹنگ کو ترجیح دی، اور مقررہ 20 اوورز 5 وکٹوں کے نقصان پر 206 رنز بنائے۔
پاکستان کی جانب سے کپتان اور وکٹ کیپر بیٹسمین محمد رضوان اور صائم نے اننگ کا آغاز کیا۔
16 کے مجموعی سکور پر محمد رضوان 1 چوکے کی مدد سے 13 گیندوں پر 11 رنز بنا کر بارٹمین کا شکار ہوئے ، انکا کیچ وینڈر دوسان پکڑا۔
دوسری وکٹ کی شراکت داری میں صائم ایوب اور بابر اعظم نے 87 رنز بنائے اور ٹیم سکور 103 کے ہندسے پر لے گئے۔
بابر اعظم بڑی اننگ کھیلنے میں ناکام نظر آئے اور 20 گیندوں پر 31 رنز بنائے جس میں 1 چھکا اور 3 چوکے شامل تھے۔
اس دوران صائم ایوب نے کیرئیر کی پہلی نصف سنچری مکمل کی جو انہوں نے 33 گیندوں کا سامنا کرنے مکمل کی، جس میں 3 چھکے اور 7 چوکے شامل تھے۔ اس سے قبل 49 رنز ان کی ہائیسٹ اننگ تھی۔
عثمان خان اور طیب طاہر بھی صائم ایوب کا ساتھ نہ نبھا سکے اور باالترتیب 3 اور 6 رنز بناکر لنڈے اور گلیم کا گیندوں پر آؤٹ ہوئے ۔
عرفان خان نے 30 رنز بنائے اور بارٹمین کی گیند پر وین ڈیر دوسان کے ہاتھوں کیچ آؤٹ ہوئے ۔
صائم ایوب 2 رنز کی کمی سے سنچری مکمل نہ کرسکے اور 57 گیندوں 5 چھکے اور 11 چوکے لگا کر 98 پر ناٹ آؤٹ رہے ، کریز پر انکا ساتھ عباس آفریدی نے دیا جنہوں نے 1چھکا اور 1 چوکا لگایا اور 4 گیندیں کھیل کر 11 رنز ناٹ آؤٹ رہے ۔
ساؤتھ افریقہ کی جانب سے گلیم ، بارٹمین نے 2-2 جبکہ جارج لنڈے نے ایک وکٹ حاصل کی۔
