جنوبی افریقہ اور پاکستان کے مابین سیریز کے لئے تیاریارں تیز کردی گئیں

ضلعی انتظامیہ ملتان کی جانب سے ملتان کرکٹ اسٹیڈیم میں ہونے والے وومن کرکٹ ٹورنامنٹ کے انتظامات تیز کردیے گئے ہیں۔

اس سلسلے میں ویسٹ منیجمنٹ کمپنی کی جانب سے ٹیموں کے روٹس اور سٹیڈیم میں میگا صفائی آپریشن کیا گیا، اس موقع پر بھاری مشینری کے ذریعے روٹس پر کوڑا کرکٹ اور ملبہ جات کی صفائی کی گئی جبکہ سٹیڈیم کے اطراف اور مرکزی راستوں پر واٹر باؤزرز سے دھلائی اور چونا ڈالنے کا بھی آغاز کیا گیا۔

سی ای او ویسٹ منیجمنٹ کمپنی کبیر خان کی ہدایت پر خصوصی صفائی سکواڈ بھی تشکیل دے دیا گیا ہے، سی ای او ویسٹ منیجمنٹ کمپنی کبیر خان نے کہا کہ خصوصی صفائی سکواڈ میچز کے دوران صفائی آپریشن جاری رکھے گا جبکہ مہمان ٹیموں اور کرکٹ شائقین کو صاف ستھرا ماحول فراہم کرکے خوش آمدید کہیں گے۔