پاکستان بمقابلہ ساؤتھ ٹی ٹوئینٹی سیریز: پاکستان نے تیسرا میچ 4 وکٹوں سے جیت کر سیریز اپنے نام کرلی
پاکستان نے مطلوبہ ہدف 6 وکٹوں کے نقصان پر 1 اوور قبل پورا کرلیا
اسٹیڈیم لاہور میں کھیلے گئے میچ میں پاکستان نے 140 رنز کا ہدف 19 اوورز میں 6 وکٹوں کے نقصان پر حاصل کیا۔
میزبان ٹیم کی جانب سے بابراعظم 68 رنز بنا کر نمایاں رہے۔ کپتان سلمان آغا 33، صاحبزادہ فرحان 19، حسن نواز 5، محمد نواز اور صائم ایوب بنا کوئی اسکور پ بنائے آؤٹ ہوئے۔
عثمان خان 6 اور فہیم اشرف 4 رنز بنا کر ناٹ آؤٹ رہے۔
پروٹیز کی جانب سے کوربن بوش اور لیزاڈ ولیمز نے 2، 2 جبکہ ڈونوون فریرا اور اینڈائل سملین نے 1، 1 وکٹ حاصل کی
قبل ازیں قذافی اسٹیڈیم لاہور میں جاری میچ میں پاکستان کی دعوت پر پہلے بیٹنگ کرتے ہوئے جنوبی افریقا نے مقررہ 20 اوورز میں 9 وکٹوں کے نقصان پر 139 رنز اسکور کیے۔
پروٹیز کی جانب سے ریزا ہنڈرکس 34 رنز بنا کر نمایاں رہے۔ کپتان ڈونوون فریرا 29، ڈیوالڈ بریوس 21، اینڈائل سملین 13، لزاڈ ولیمز 5، میتھیو برٹزکے 1 جبکہ ہوانڈے پریٹوریئس، جورج لنڈا اور کوانٹن ڈی کوک 0 پر پویلین لوٹے۔
کوربن بوش 30 رنز بنا کر ناٹ آؤٹ رہے۔
پاکستان کی جانب سے شاہین شاہ آفریدی نے 3 جبکہ عثمان طارق اور فہیم اشرف نے 2، 2 وکٹیں حاصل کیں۔ سلمان مرزا اور محمد نواز نے 1، 1 کھلاڑی کو آؤٹ کیا۔
