Paid ad
Breaking NewsSportsتازہ ترین

پی سی بی کے بڑوں کی بڑی بیٹھک، چیمپئنز ٹرافی سے متعلق اہم فیصلے

چئیرمین پی سی بی محسن نقوی کی زیر صدارت گورننگ بورڈ کا 76 واں اجلاس، محسن نقوی نے چیمپئنز ٹرافی سے متعلق گورننگ بورڈ کو اعتماد میں لیا۔

پاکستان کرکٹ بورڈ کے گورننگ بورڈ کا 76 واں اجلاس اسلام آباد میں پی سی بی کے چیرمین محسن نقوی کی صدارت میں منعقد ہوا۔

یہ بھی پڑھیں ۔
چئیرمین پی سی بی کی سعودی عرب کے نائب وزیر کھیل بدر بن عبد الرحمٰن ال قادی سے ملاقات؛ کرکٹ کے فروغ، پلیئرز ڈویلپمنٹ پر تبادلہء خیال، چیمپئنز ٹرافی کے میچ دیکھنے کی دعوت

اجلاس میں گورننگ بورڈ کے گزشتہ اجلاس کے فیصلوں کی توثیق کی گئ۔اجلاس کے شرکاء کو آئی سی سی چیمپئنز ٹرافی ٹورنامنٹ پر اب تک کی پیش رفت سے آگاہ کیا گیا۔

محسن نقوی نے گورننگ بورڈ کو چیمپئنز ٹرافی سے متعلق اعتماد میں لیا، گورننگ بورڈ کے اراکین نے آئی سی سی چیمپئنز ٹرافی سے متعلق چئیرمین پی سی بی محسن نقوی کے اصولی موقف کو سراہا۔

یہ بھی پڑھیں ۔
چئیرمین پی سی بی محسن نقوی کی ریاض میں سعودی عربیہ کرکٹ فیڈریشن کے چئیرمین شہزادہ سعود بن مشعل السعود سے ملاقات

محسن نقوی کا کہنا تھا کہ وہ پہلے دن سے ہی پاکستان اور کرکٹ کی جیت کی بات کررہے ہیں اور پی سی بی چیمپینز ٹرافی کے انعقاد کے لیے ہر طرح سے پر تیار ہے اور اس ایونٹ کی تیاریاں بھی مکمل ہیں۔

محسن نقوی نے کہا کہ پاکستان کے اصولی مؤقف کو ہر کسی نے سراہا ہے۔چیمپئنز ٹرافی پاکستان کی عزت ہے اس پر کوئی حرف نہیں آنے دیں گے۔تمام ٹیموں کو دل کی گہرائیوں سے خوش آمدید کہیں گے۔

انہوں نے کہا کہ پاکستانی ، تمام ٹیموں کو اپنے گراؤنڈز پر کھیلتا ہوا دیکھنا چاہتے ہیں، ان کا کہنا تھا کہ وہ کرکٹ میں سیاست کے خلاف ہیں۔ یہ کھیل ہے جس سے کروڑوں شائقین محبت کرتے ہیں اور کھیل کو کھیل رہنا چاہیے۔

محسن نقوی نے مزید کہا کہ چیمپئنز ٹرافی ٹورنامنٹ سے قبل اسٹیڈیمز کی تعمیر نو کا کام مکمل ہو جائے گا۔ پوری ٹیم دن رات اسٹیڈیمز کی تعمیر نو پر محنت سے کام کر رہی ہے۔

علاوہ ازیں گورننگ بورڈ کو قذافی ا سٹیڈیم نیشنل اسٹیڈیم اور راولپنڈی اسٹیڈیم کی تعمیر نو پر ہونے والی پیش رفت کے بارے بریفنگ دی گئی، گورننگ بورڈ نے اسٹیڈیمز کی تعمیر نو کے کام پر اطمینان کا اظہار کیا۔

اجلاس میں گورننگ بورڈ کے اراکین۔ چیف آپریٹنگ آفیسر پی سی بی سمیر احمد۔ چیف فنانشل آفیسر جاوید مرتضیٰ ۔ پی ایس ایل کے سربراہ سلمان نصیر اور متعلقہ حکام نے شرکت کی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button