غلطیوں کے باعث نہم جماعت کے سمارٹ سلیبس پر نظر ثانی کرنے کا فیصلہ

فزکس،کیمسٹری،حساب اور کمپیوٹر سائنس کے سمارٹ سلیبس میں غلطیاں تھی جس کے باعث طلباء و طالبات ذہنی کوفت کا شکار تھے، اب نہم کے سمارٹ سلیبس پر نظر ثانی کرنے کا فیصلہ کرلیا گیاہے، سمارٹ سلیبس کے باوجود طلباء پورا نصاب پڑھنے پر مجبور تھے۔

پیکٹا نے 5 نومبر کو ماہرین تعلیم کا اجلاس طلب کرلیا ہے، اس مشاورتی اجلاس میں سرکاری و پرائیویٹ سکولز کے نمائندگان کو بھی شامل کیا جائے گا۔

ڈائریکٹر کریکولم پیکٹا ڈاکٹر عامر ریاض نے ماہرین تعلیم سے تجاویز مانگ لی ہیں، مشاورت کے بعد متعلقہ مضامین پرنظرثانی کی جائے گی۔