پانچویں اور آٹھویں جماعت کے بورڈ امتحانات کا باضابطہ آغاز سال 2026 سے کیا جائے گا

جاری کردہ امتحانی شیڈول کے مطابق پانچویں جماعت کے امتحانات 9 فروری سے شروع ہوں گے، جبکہ آٹھویں جماعت کے پیپرز 16 فروری سے 24 فروری تک جاری رہیں گے۔

انتظامیہ کی جانب سے آگاہ کیا گیا ہے کہ ان امتحانات کے نتائج 31 مارچ کو جاری کیے جائیں گے تاکہ طلبہ بروقت اگلی جماعتوں میں داخلہ لے سکیں۔

ذہن نشین رہے کہ یہ امتحانات ماضی میں پنجاب ایگزامینیشن کمیشن کے تحت منعقد ہوتے تھے، تاہم اب ان کی ذمہ داری پنجاب ایجوکیشن کریکولم ٹریننگ اینڈ اسیسمنٹ اتھارٹی کو سونپی گئی ہے۔

محکمہ تعلیم کے مطابق اس اقدام کا مقصد طلباء کو ابتدائی سطح پر بورڈ امتحانات کے ماحول سے ہم آہنگ کرنا اور تعلیمی معیار کو بہتر بنانا ہے۔