پیف پارٹنرز کو نئے داخلوں کی اجازت دے دی گئی
منیجنگ ڈائریکٹر پنجاب ایجوکیشن فاؤنڈیشن اسد نعیم کی زیر صدارت اہم اجلاس ہوا۔
جس میں پیف کے تمام سینئر افسران نے شرکت کی۔اس اجلاس کے دوران پیف پارٹنر سکولوں کے بہت سے معاملات زیر غور آئے اور کئی اہم فیصلے کیے گئے جن میں پیف کے تعلیمی منصوبوں ایف اے ایس، ای وی ایس اور این ایس پی پروگرامز سے منسلک پیف پارٹنرز کو نئے داخلوں کی اجازت بھی شامل ہے۔
جاری سرکلر کے مطابق داخلوں کے چوتھے دور کا دورانیہ 17دسمبر،2021سے 10جنوری،2022تک ہو گا۔
اجلاس کے دوران ای وی ایس فیز 16کو بھی زیر بحث لایا گیا۔
اجلاس کے دوران فیصلہ کیا گیا کہ ای وی ایس فیز 16سے منسلک ایسے سکول جن کے ساتھ ایگریمنٹ سائن کیا جا چکا ہے، ان سکولوں کو موجود ہ بچوں کے واؤچر کارڈر کی پرنٹنگ اور ڈسٹری بیوشن کے ساتھ ساتھ نئے داخلوں کی اجازت ہو گی، جس کا تفصیلی سرکلر بہت جلد پیف کی ویب سائیٹ پر اپ لوڈ کر دیا جائے گا۔