Paid ad
Breaking NewsEducationتازہ ترین

پیف کا تربیتی کورس مکمل ہوگیا

پنجاب ایجوکیشن فاؤنڈیشن سے منسلک ضلع لاہور، ملتان اور راولپنڈی کے 11پارٹنر سکولوں کے300 طلبا ء نے سوشل میڈیا مارکیٹنگ، کینوا، چیٹ جی پی ٹی اور انٹرپرینیورشپ میں 7روزہ عملی تربیت کا کورس کامیابی سے مکمل کر لیا ہے۔

پیف اور ارفع کریم ایجوکیشن فاؤنڈیشن نے آئی ٹی کورسز مکمل کرنے والے پیف طلباء کے اعزاز میں ایک پرُ وقار تقریب کا انعقاد کیا، تقریب میں کورس مکمل کرنے والے طلبا و طالبات میں سرٹیفکیٹ تقسیم کیے گئے، طلبا ء نے اپنے کورسزسے متعلق12 ماڈلز بھی پیش کیے۔ بہترین ماڈل پیش کرنے والے طلباء میں انعامات تقسیم کیے گئے۔

تقریب سے خطاب کے دوران منیجنگ ڈائریکٹر پنجاب ایجوکیشن فاؤنڈیشن شاہد فرید نے کہا کہ ارفع کریم ٹیکنالوجی پارک میں منعقد ہونے والی یہ تقریب طلباء کی لگن، محنت اور ان ضروری شعبوں میں بہترین کارکردگی کا منہ بولتا ثبوت ہے۔

اپنی گفتگو کے دوران ایم ڈی پیف نے نوجوانوں کو ڈیجیٹل دور میں ضروری مہارتوں پر عبور حاصل کرنے اور انٹرپرینیورشپ کو فروغ دینے کی اہمیت پر زور دیاتاکہ نوجوان نسل معاشی طور پر خود مختار ہوسکے۔

ایم ڈی پیف شاہد فرید نے ارفع کریم فاؤنڈیشن کے چیئرپرسن کرنل ریٹائرڈ امجد عبدالکریم رندھاوا، ارفع کریم فاؤنڈیشن کی وائس چیئرپرسن ثمینہ رندھاوا اور ارفع کریم فاؤنڈیشن کی سی ای او تابندہ اسلام اور ارفع کریم کی پوری ٹیم کو پنجاب ایجوکیشن فاؤنڈیشن سے منسلک پارٹنر سکولوں کے طلباء کو عملی علم اور ہنر سے آراستہ کرنے پر خراج تحسین پیش کیا۔

انہوں نے کہا کہ مستقبل میں اس سلسلے کو جاری رکھا جائے گا اور ارفع کریم فاؤنڈیشن کے اشتراک سے پیف کے سکولوں میں پڑھنے والے تمام طلبا ء کو روایتی تعلیم کے ساتھ ساتھ ائی ٹی کورسز پر مہارت فراہم کی جائیں گی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button