پیف سکولوں کے ٹیچرز کی تنخواہوں کا تعین نہ ہوسکا

پنجاب ایجوکیشن فاؤنڈیشن کے تحت چلنے والے اسکولوں کے اساتذہ کی تنخواہ 20 ہزار روپے مقرر نہ ہو سکی، جس کے باعث اساتذہ کو مالی مشکلات کا سامنا ہے۔

بتایا گیا ہے کہ پنجاب ایجوکیشن فاؤنڈیشن نے بھی نوٹیفکیشن جاری نہ کیا، وزیر تعلیم نےپیف کےسکولوں میں اساتذہ کی تنخواہ 20 ہزار کرنیکا اعلان کیا تھا، پیف پارٹنرزسکولوں کےمالکان نےاعلان ماننے سے انکار کر دیا۔

سکول آنرز کا کہنا تھا کہ پیف جب تک نوٹیفکیشن جاری نہیں کرتا عملدرآمد نہیں ہوگا، پیف حکام کا کہنا تھا کہ تنخواہ بڑھانےکے حوالےسےمعاملات زیر غور ہیں، تنخوا ہیں بڑھانے سے متعلق کابینہ سے منظوری لینا ضروری ہے۔