زکریا یونیورسٹی کے ذہین طلباء کے لئے سکالر شپ

بہاءالدین زکریایونیورسٹی ملتان میں یو ایس ایڈ اور پیف سکالرشپ پروگرام کے تحت چیک تقسیم کرنے کی تقریب منعقد ہوئی، وائس چانسلر پروفیسر ڈاکٹر منصور اکبر کنڈی نے طلباءمیں سکالرشپ کے چیک تقسیم کیے ۔

تقریب میں ڈین و ڈائریکٹر سکالرشپ سیل پروفیسر ڈاکٹر محمد عزیر، ڈاکٹر رضیہ شبانہ، ٹرانسپورٹ آفیسر زاہد اقبال، فنانشل ایڈ آفیسر انتخاب عالم و دیگر اساتذہ و طلباءطالبات بھی موجود تھے۔

سکالرشپس کی مالیت 30لاکھ روپے تھی، سکالرشپ حاصل کرنے والوں میں یونیورسٹی کے مختلف شعبوں کے طالب علم شامل تھے۔

تقریب میں جن طلباثءکا ایم بی بی ایس میں داخلہ ہوا، ان کو بھی اس موقعہ پر اعزازی شیلڈ سے نوازا گیا، اور ان کے والدین کے ہمراہ کیک کاٹا گیا ۔

تقریب میں ٹرانسپورٹ آفیسر زاہد اقبال کو بھی اعزازی شیلڈ دی گئی۔