صوبہ بھر کے420 کالجز میں مستقل پرنسپلز کی تعیناتی کے لئے ٹاپ 3 کے پینلز تیار

ڈی پی آئی کالجز نے موزوں امیدواروں کی لسٹیں سیکرٹری ایچ ای ڈی کو فراہم کر دیں، امیدواروں کے انٹرویوز اگلے ہفتے شروع ہوں گے۔

امیدواروں کے انٹرویوز کو 3 حصوں میں تقسیم کر دیا گیا، پہلے مرحلے میں لاہور، سرگودھا اور راولپنڈی اضلاع کیلئے انٹرویوز ہونگے۔

دوسرے مرحلے میں ملتان، ڈی جی خان اور بہاولپور جبکہ تیسرے مرحلے میں ساہیوال، فیصل آباد، گوجرانوالہ کیلئے انٹرویوز ہونگے۔

محکمہ ہائیر ایجوکیشن نے جولائی میں پرنسپلز کی تعیناتیوں کا عمل آن لائن شروع کیا تھا، ہزاروں درخواستیں جمع ہونے کے باعث بھرتیوں کا طریقہ کار بھی تبدیل کیا گیا۔

صوبے بھر کے 776 کالجز میں سے 420 کالجز مستقل پرنسپلز سے محروم ہیں۔