ویمن یونیورسٹی کی پی ایچ ڈی سکالرز کو ڈگری تفویض کرنےکی سفارش

ویمن یونیورسٹی ملتان کی وائس چانسلر ڈاکٹرعظمیٰ قریشی نے کہا ہے کہ آج ویمن یونیورسٹی کی تاریخ کا اہم دن ہے کہ ایک ہی شعبہ کی تین سکالرز اپنی پی ایچ ڈی مکمل کرنے جارہی ہیں۔

نئی بننے والی یونیورسٹیوں میں یہ اعزاز ویمن یونیورسٹی کو ہی حاصل ہوا کہ اس کی پروفیشنل فیکلٹی نے اپنے سکالرز کو جدید علوم سے روشناس کرایا ، اور حالات حاضرہ کے مطابق ہونے والے ریسرچ میں اپنا حصہ بنایا۔

شعبہ فزکس کی اساتذہ مبارکباد کی مستحق ہیں کہ انہوں نے اپنا کام ایماندار ی سے کیا، اور سکالرز کو مقررہ وقت میں اعلیٰ ڈگری کا حامل بنادیا،
۔

ویمن یونیورسٹی اعلیٰ پائے کی ریسرچ کا سلسلہ جاری رکھے گی، تمام شعبے بھی اپنی ریسرچ کو معیاری بنانے کےلئے اقدامات کریں اور اپنے سکالرز کو جدید علوم سے مستفید کریں ۔

بعد ازں سکالر مسز نسیم اختر کے مقالےڈیٹا سٹوریج ایپلی کیشن کے لیے کاربن نینو اسٹرکچر پر مبنی مزاحم میموری ڈیوائس بارے بریفنگ دی، اور حاضرین کے سوالوں کے جواب دیئے سکالر مسز طاہرہ یعقوب نے اپنے مقالے کا’’ انرجی سٹوریج ایپلی کیشنز کے لیے ڈوپڈ 2D میٹریل کی فیبریکیشن اور خصوصیت” بتایا کہ اس وقت ملک میں انرجی مسائل موجود ہیں ۔

حالات حاضرہ کے مطابق یہ ریسرچ کارآمد ثابت ہوگی، جبکہ سکالر مسز روبیہ شفیق نے اپنے مقالے کو بھرپور دفاع کیا۔

جس کے بعد ان سکالرز کو پی ایچ ڈی کی ڈگریاں ایوارڈ کرنے کی سفارش کی گئی۔

ان سکالرز نے اپنی ریسرچ ڈاکٹر ملکہ رانی کی نگرانی میں مکمل کی، اور بطور ایکسٹرنل سپروائزر ڈاکٹر رضوان رضا ،ڈاکٹر محمد اشفاق احمد اور ڈاکٹر عبدل شکور نے شرکت کی۔

اس موقع پر کنٹرولر امتحانات ڈاکٹر حنا علی ، ڈاکٹر ملکہ رانی اور دیگر اساتذہ بھی موجود تھیں ۔