پی آئی اے نے کابل سے اپنا آپریشن شروع کردیا،پہلی فلائٹ اسلام آباد پہنچ گئی
کابل میں پھنسے پاکستانیوں کے انخلاء کے لیے پی آئی اے نے خصوصی پروازوں کا اعلان کر دیا۔
طالبان کے دارالحکومت میں داخلے کے بعد غیر یقینی کی صورتحال کے پیش نظر کابل انتظامیہ نے پی آئی اے حکام کوخصوصی پروازوں کی اجازت دےدی۔
موجودہ صورتحال کے پیش نظر15 اگست سےپروازیں شروع کرنےکی اجازت دی گئی ہے۔
افغان حکام نےخط میں پی آئی اے کو زیادہ گنجائش والےطیاروں کو بھیجنے کا کہا ہے۔
خط کے مطابق حالیہ دنوں میں افغانستان میں سیکیورٹی صورتحال تیزی سےخراب ہوئی ہے، غیرمتوقع تبدیلی کےباعث سیکڑوں پاکستانی شہری کابل میں پھنسےہوئےہیں۔
خط میں کہا گیا ہے کہ مسافروں کونکالنےکیلئے پی آئی اےکےخصوصی چارٹرڈطیاروں کی ضرورت ہے، پاکستانیوں کو اندراج کر رہےہیں، فہرست وزارت کے ساتھ شیئرکی جائےگی۔
دوسری جانب پی آئی اے کا بوئنگ777طیارہ کابل سےاسلام آبادپہنچ گیا ہے۔ پرواز پر 329 مسافر سوار تھے سول ایوی ایشن نے شہریوں کے وطن پہنچنے پر پی سی آر ٹیسٹ سرٹیفکیٹ کی شرط معطل کر دی ہے تاہم ایئرپورٹس پر کورونا ٹیسٹ لئے گئے۔