وزیراعظم یوتھ پروگرام : پنجاب کے عہدیداروں کا ویمن یونیورسٹی کا دورہ

وزیراعظم یوتھ پروگرام پنجاب سیکرٹریٹ کے وفد ویمن یونیورسٹی کا دورہ کیا، جس کی قیادت فوکل پرسن فہد شہباز کررہے تھے۔

ترجمان کے مطابق پرائم منسٹر یوتھ پروگرام پنجاب سیکرٹریٹ کے وفد نے ویمن یونیورسٹی کا دورہ کیا اور پرو وائس چانسلر ڈاکٹر کلثوم پراچہ سے ملاقات کی اور اپنے پروگرامز کے بارے میں بتایا۔

جس کے بعد ایک خصوصی تقریب جناح ہال میں منعقد ہوئی، جس کے مہمان خصوصی فہد شہباز (فوکل پرسن پنجاب) تھے، کامران شکور (ممبر نیشنل یوتھ کونسل )بھی موجود تھے۔

تقریب سے خطاب کرتے ہوئے صدر وزیراعظم یوتھ گرین کلب عمائمہ حسن نے کلب کے وژن، مشن اور اہم سرگرمیوں پر روشنی ڈالی۔ ڈائریکٹر بزنس انکیوبیشن سینٹر ڈاکٹر عاصمہ اکبر نے مختلف اداروں اور صنعتوں کے ساتھ طالبات کی تربیت کے مختلف منصوبوں کے بارے میں بتایا۔

کامران شکور نے پرائم منسٹر نیشنل یوتھ کونسل کے حوالے سے طالبات کو آگاہ کیا، تقریب سے خطاب کرتے ہوئے منسٹر فہد شہباز نے پرائم منسٹر یوتھ انیشیٹوز کے حوالے سے طالبات کو آگاہ کیا۔

ان کا کہنا تھا کہ پرائم منسٹر یوتھ بزنس اینڈ ایگریکلچر لون سکیم آسان شرائط پر کاروباری قرضے فراہم کر کے نوجوانوں میں انٹرپرپینورشپ کو فروغ دیتا ہے۔نوجوان کاروباریوں کو کاروبار شروع کرنے یا بڑھانے کے لیے مالی مدد فراہم کرتے ہیں سازگار شرح سود اور ادائیگی کی شرائط کے ساتھ قرضے بھی فراہم کیا جاتا ہے ۔

انہوں نے بتایا کہ پرائم منسٹر لیپ ٹاپ اسکیم کے تحت 6 لاکھ لیپ ٹاپ تقسیم کیے جاچکے ہیں اور اس کا دوسرا مرحلہ شروع ہو چکا ہے ۔ انہوں نے مزید کہا کہ دیہی علاقوں میں اقتصادی ترقی کو فروغ دینے زرعی منصوبوں اور کاروباروں کی سپورٹ کی جاتی ہےان کی درخواستیں ڈیجیٹل یوتھ ہب پلیٹ فارم کے ذریعے جمع کرائی جا سکتی ہیں۔

ہمارا مقصد نوجوانوں کو کاروباری بننے اور ملازمتیں پیدا کرنے کے لیے با اختیار بنانا ہے اقتصادی ترقی کو فروغ دینا ہے جبکہ نوجوانوں کو اپنے کاروباری خیالات کو آگے بڑھانے کے مواقع فراہم کرنا ہے تاکہ ملک ترقی کرسکے۔

انہوں نے کہا کہ نیشنل انوویشن ایوارڈ کا مقصد گریجویٹز کو ضروری مہارتوں سے آراستہ کرنا تاکہ کاروبار کی دنیا میں سبقت حاصل کر سکیں۔ 

اس موقع پر ڈاکٹر کلثوم پراچہ کا کہنا تھا کہ ویمن یونیورسٹی انٹرپرینویرز کی حوصلہ افزائی کرتی ہے ہماری طالبات ملکی ترقی میں بھرپور کردار ادا کررہی ہیں، وزیرا عظم یوتھ پروگرام طالبات کو آگے بڑھے کےلئے مواقع فراہم کرتا ہے ہماری طالبات اس سے مستفید ہورہی ہیں۔

وومن یونیورسٹی کی رجسٹرار ڈاکٹر ملکہ رانی کا کہنا تھا کہ وزیراعظم یوتھ پروگرام کے تحت طالبات کی مدد کے لیے بہت سارے انیشیٹو لیے جا چکے ہیں، اس میں لیپ ٹاپ سکیم، قرض حسنہ جیسی سہولیات شامل ہیں۔
ویمن یونیورسٹی اپنی طالبات کو سکالرشپ کے ساتھ ساتھ ایسے مواقع بھی فراہم کر رہی ہے جہاں وہ اپنے کاروبار کا اغاز کر سکے اور اپنے آئیڈیاز کو دنیا کے مطابق فلوٹ کر سکیں، حکومت کے تعاون سے مستقبل قریب میں بھی وومن یونیورسٹی ایسے اقدامات کرتے رہے گی جبکہ ڈائریکٹر سٹوڈنٹس افیئرز / فوکل پرسن یوتھ پروگرام ڈاکٹر عدیلہ سعید کا کہنا تھا کہ وزیراعظم یوتھ پروگرام نے غریب طالبات کے لیے امید کی ایک نئی کرن جگائی ہے ایسی طالبات جو اچھے کاروباری آئیڈیاز رکھتی تھیں اور جنہیں یہ مواقع نہیں ملتے تھے کہ وہ اپنے آئیڈیاز کو عملی شکل دے سکیں وزیراعظم کے اس پروگرام کے تحت انہیں یہ پلیٹ فارم میسر ا گیا ہے کہ وہ اپنے آئیڈیاز کو کاروباری سطح پر لا کر دنیا کے سامنے پیش کر سکیں طالبات کو ایسے پلیٹ فارم میسر انے سے ملک ترقی کی طرف گامزن ہوگا۔