خراب کارکردگی والے آفٹر نون سکولوں کو بند کرنے کا فیصلہ
حکومت نے آفٹر نون سکولوں کی بھی سخت مانیٹرنگ کرنے کا فیصلہ کیا ہے، سینکڑوں آفٹر نون سکولوں کو چلانے یا نہ چلانے کا فیصلہ کارکردگی سے مشروط کردیا گیا۔
ناقص معیار تعلیم ،کم انرولمنٹ ،خراب نتائج والے آفٹر نون سکول بند کرنے کا فیصلہ کرلیا گیا ہے، سکولوں میں طلباء کی انرولمنٹ کے ساتھ اساتذہ کی بھی حاضری چیک ہوگی ، آفٹرنون سکولوں کو اپنا ریکارڈ مینٹین رکھنے کا حکم جاری کر دیا۔
گزشتہ تعلیمی سال میں بچوں کی حاضری کا موجودہ سال کی حاضری سے تقابلی جائزہ ہوگا،اے ای اوز اور ڈپٹی ڈی ای اوز کی حاضری کو بھی چیک کیا جائے گا، آفٹرنون سکولز میں موجود بجٹ اور ایس او پیز کا بھی جائزہ لیا جائے گا، وزٹ کے دوران سکول بیسڈ ٹیسٹ کا بھی ریکارڈ چیک ہوگا اے ای او اور ڈپٹی ڈی ای او سکول چلانے یا نہ چلانے بارے اپنی رائے دیں گے۔
مانیٹرنگ آفیسر کی رائے مثبت نہ ہونے پر آفٹر نون سکول کو بند دیا جائے گا، آفٹر نون سکولز کو بند کرکے صرف مارننگ شفٹ کردی جائے گی سکول ایجوکیشن ڈیپارٹمنٹ کا آفٹر نون سکولوں کی تصدیق کیلئے تمام اتھارٹیز کو مراسلہ جاری کر دیا، پنجاب بھر میں آفٹر نون سکولز کی تعداد 5 ہزار سے زائد ہے۔
