پی پی ایس سی کے امتحانات میں سپیشل افراد کو اضافی وقت دیا جائے گا
پنجاب پبلک سروس کمیشن نے خصوصی افراد کے لئے بڑا قدم اٹھایا ہے۔
ترجمان کے مطابق خصوصی افراد کو تحریری امتحانات میں اضافی وقت دیا جائے گا تاکہ ان کے لیے امتحانات میں شرکت آسان ہو سکے، خصوصی افراد کو 1 گھنٹے 30 منٹ والے تحریری امتحان میں 15 منٹ اضافی وقت ملے گا جبکہ 3 گھنٹے والے امتحان میں انہیں 30 منٹ کا اضافی وقت دیا جائے گا۔
اگر کسی امیدوار کے پاس شناختی کارڈ نہیں ہے لیکن وہ ڈومیسائل کا حامل ہے تو اسے امتحان میں بیٹھنے کی اجازت دی جائے گی۔
اسی طرح جن امیدواروں کا شناختی کارڈ چھ ماہ سے کم عرصے کے لیے ایکسپائر ہو، انہیں بھی مشروط طور پر امتحان میں بیٹھنے کی اجازت ہوگی، یہ پالیسی میں تبدیلی فل کمیشن کے اجلاس میں کی گئی، جس سے امیدواروں کی سہولت کے لیے نئے اقدامات کیے گئے ہیں۔
اس سے قبل صرف شناختی کارڈ کے حامل امیدواروں کو امتحان میں بیٹھنے کی اجازت تھی۔
