زکریا یونیورسٹی کے پروفیسر ڈاکٹر دین محمد زاہد چوتھی بار لیہ یونیورسٹی کے قائم مقام وائس چانسلر تعینات

حکومت پنجاب نے لیہ یونیورسٹی کو کامیابی سے چلانے پر پروفیسر ڈاکٹر دین محمد زاہد کوچوتھی بار وائس چانسلر تعینات کردیا۔

قبل ازیں ان کی تعیناتی کی مدت میں تین بار توسیع کی گئی اور پروفیسر ڈاکٹر دین محمد زاہد ایک سال تک وائس چانسلر یونیورسٹی آف لیہ تعینات رہے، اب ایک بار پھروائس چانسلر کا نوٹیفکیشن جاری کردیا۔

ڈاکٹر دین محمد زاہد کا کہنا ہے کہ میرا تعلق لیہ سے ہے، آسٹریلیا اور ترقی یافتہ ممالک میں کام کیا ، خواہش ہے یونیورسٹی آف لیہ کو عظیم جامعہ بناؤں، اگر حکومت مجھے وائس چانسلر کے فل اختیارات یا مستقل وی سی تعینات کرتی ہے تو لیہ کے لوگوں کا خواب پورا کروں گا۔