ڈاکٹر محمد خرم افضل کو بڑی ذمے داری مل گئی
وائس چانسلر زکریا یونیورسٹی ملتان نے ایسو سی ایٹ پروفیسر ڈاکٹر محمد خرم افضل کو ہیومن نیوٹریشن ڈیپارٹمنٹ کی بطور چیئرمین ذمہ داریاں تفویض کر دی ہیںز ڈاکٹر محمد خرم افضل نے اپنے عہدے کا چارج لے کر ذمہ داریاں ادا کرنا شروع کردی ہیں۔
انہوں نے کہا ہے کہ وہ اپنی تمام صلاحیتوں کو بروئے کار لاتے ہوئے ڈیپارٹمنٹ آف ہیومن نیوٹریشن کی ترقی و طلباء و طالبات کی بہترین تعلیم وتربیت کیلئے کام کریں گے، ڈیپارٹمنٹ ہیومن نیوٹریشن کو مزید بہتر بنایا جائے گا جدید دور کے تقاضوں سے ہم آہنگ کیا جائے گا طلباء و طالبات کو اعلیٰ معیار کی تعلیمی سہولیات فراہم کی جائیں گی تاکہ ہمارے طلبہ وطالبات عملی زندگی میں جا کر ملک وقوم کی اچھے انداز میں خدمت کر سکیں۔
ڈاکٹر خرم افضل نے اس عزم کا اعادہ کیا کہ وہ شعبے کو تعلیم و تحقیق کی نئی منزلوں سے روشناس کرائیں گے، اس موقع پر اساتذہ اور طلبہ نے ڈاکٹر خرم افضل کو مبارک باد دی اور نیک تمناؤں کا اظہار کیاز ڈاکٹر خرم افضل کا تعلق ملتان کے ایک معروف تعلیمی گھرانے سے ہے انکے والد پروفیسر ڈاکٹر افضل خان نے بانی ڈین فیکلٹی آف فارمیسی بہالدین زکریا یونیورسٹی کے طور پر خدمات انجام دیں۔ حال ہی میں انکی ہمشیرہ پروفیسر ڈاکٹر ثمینہ افضل کو ڈین فیکلٹی آف فارمیسی مقرر کیا گیا ہے۔
