ڈاکٹر زبیر اقبال کو ایمرسن یونیورسٹی کی بھی اضافی ذمے داری مل گئی

ایمرسن یونیورسٹی ملتان کے وائس چانسلر کا اضافی چارج زکریا یونیورسٹی کے ڈاکٹر زبیر اقبال کو دے دیا گیا۔

تفصیل کے مطابق ہائرایجوکیشن ڈیپارٹمنٹ نے کا ایمرسن یونیورسٹی کا استعفیٰ قبول کرتے ہوئے زکریا یونیورسٹی کے وائس چانسلر ڈاکٹر زبیر اقبال کو بطور اضافی چارج دے دیا

جاری مراسلے میں کہا گیاہے کہ ڈاکٹر محمد رمضان کا استعفیٰ 21 اگست سے قبول کیا جاتا ہے اور ڈاکٹر زبیر کو چھ ماہ یا مستقل وائس چانسلر کی تعیناتی تک وی سی کا اضافی چارج دیا جاتا ہے۔

ایمرسن یونیورسٹی کے اساتذہ، طلبہ اور تعلیمی حلقوں نے ڈاکٹر زبیر اقبال کی تعیناتی کو خوش آئند قرار دیتے ہوئے امید ظاہر کی ہے کہ اُن کی قیادت میں یونیورسٹی ترقی و استحکام کے نئے دور میں داخل ہوگی۔