پروفیسر ڈاکٹر ذوالفقار علی کو نواز شریف زرعی یونیورسٹی ملتان کے وائس چانسلر کا چارج دے دیا گیا

نواز شریف زرعی یونیورسٹی ملتان کے بڑھتے ہوئے معاشی بحران کو کنٹرول کرنے کےلئے گورنر پنجاب نے پروفیسر ڈاکٹر ذوالفقار علی وائس چانسلر زرعی یونیورسٹی فیصل آباد کو وائس چانسلر محمد نواز شریف یونیورسٹی آف ایگریکلچر ملتان کا اضافی چارج دے دیا ہے۔

گورنر پنجاب نے ایگریکلچر ڈیپارٹمنٹ کی بھیجی ہوئی سمری کی منظوری دے دی، جاری نوٹیفکیشن کے مطابق ڈاکٹر ذوالفقار علی کو تین ماہ یا مستقل وائس چانسلر کی تعیناتی تک چارج دیاگیا ہے، جس کے بعد گزشتہ ڈیڑھ سال سے جاری بے چینی اور مایوسی کی کیفیت ختم ہوگئی ہے اور امکان ہے یونیورسٹی کا بجٹ 2025-26 آئندہ ہفتے پیش کردیا جائے۔

تعلیمی حلقوں نے گورنر کے فیصلے کو سراہا ہے ۔