ملک محمد رمضان گرو مدت ملازمت مکمل کر کے ریٹائر ہو گئے
ملتان سے تعلق رکھنے والے اتحاد اساتذہ کے رہنما اور سابق قائم مقام صدر پیپلا ملک محمد رمضان گرو مدت ملازمت مکمل کر کے ریٹائر ہوگئے، انہوں نے پی پی ایس سی سے منتخب ہونے کے بعد انیس فروری 1989 کو بطور لیکچرر شعبہ تاریخ محکمہ ہائیر ایجوکیشن پنجاب جوائن کیا۔
پانچ جولائی دو ہزار دس کو اسسٹنٹ پروفیسر پرموٹ ہوئے اور دوسری مرتبہ 23 مارچ دو ہزار اٹھارہ کو ترقی پا کر ایسوسی ایٹ پروفیسر بنائے گئے، اساتذہ کے حقوق کے لیے چلائی جانے والی تمام تحریکوں میں ہمیشہ شامل رہے، پی پی ایل اے کے 2016 کے انتخابات میں مرکزی سینئر نائب صدر منتخب ہوئے اور صدر پیپلا کی ریٹائرمنٹ کے بعد قائم مقام صدر کے فرائض سر انجام دیے۔
کچھ عرصہ گورنمنٹ ولایت حسین اسلامیہ کالج ملتان میں تدریسی خدمات سر انجام دیں، اب وہ گورنمنٹ کالج سول لائنز ملتان کے شعبہ تاریخ سے وابستہ تھے۔
ان کی ریٹائرمنٹ پر ان کے کالج کے احباب نے ایک الوداعی تقریب کا انعقاد کیا، جس میں ان کی خدمات کو سراہتے ہوئے خراج تحسین پیش کیا یادگاری شیلڈ پیش کی ۔
