پروفیسر خالد محمود فیصل اور پروفیسر ڈاکٹر جاوید اصغر ریٹائرڈ ہوگئے

شعبہ تعلیم سے وابستہ گورنمنٹ کالج آف ٹیکنالوجی ملتان کے چیف انسٹرکٹر مکینیکل پروفیسر خالد محمود فیصل جبکہ گورنمنٹ ایسوسی ایٹ ڈگری کالج جہانیاں کے پروفیسر ڈاکٹر جاوید اصغر اپنی مدت ملازمت کی تکمیل کے بعد باعزت ریٹائرڈ ہوگئے۔

پروفیسر خالد محمود فیصل نے گورنمنٹ کالج آف ٹیکنالوجی ملتان میں تدریسی خدمات کے ساتھ ساتھ ڈینگی پروگرام کے فوکل پرسن، طلباء کے لیے بنائی تعمیر کردار سوسائٹی کے انچارج، کالج میگزین “صناع” کے چیف ایڈیٹر، کالج کے انفارمیشن آفیسر کے علاوہ صوبائی اور مقامی اداروں کے مابین ادارہ ہٰذا کی طرف سے ایکسٹرنل کوارڈینٹر کے فرائض بھی انجام دیتے رہے۔

وہ ادبی پروگرام کے سربراہ بھی رہے، انھوں نے فنی تعلیمی اداروں کی نمائندہ یونائٹیڈ ٹیچرز ایسوسی ایشن کے جنرل سیکرٹری کے طور پر بھی خدمات انجام دی جبکہ پروفیسر ڈاکٹر جاوید اصغر پنجاب اینڈ لیکچر ایسوسی ایشن ملتان کے صدر رہ چکے ہیں۔

تعلیمی اور سماجی حلقوں نے دونوں بھائیوں کی ریٹائرمنٹ پر نیک خواہشات کا اظہار کیا۔