درجہ چہارم ملازمین کی ترقی کےلئے ایس او پیز جاری

محکمہ سکولز ، ہائیر ایجوکیشن سمیت 8 محکموں میں درجہ چہارم ملازمین کی ترقی کےلئے ایس او پیز جاری کردئے گئے ۔

اس سلسلے میں محکمہ سروسز اینڈ جنرل ایڈمنسٹریشن پنجاب کے دفتر سے تمام ڈیپارٹمنٹس کو ایک خط لکھا گیا ہے جس میں یہ کہا گیا کہ درجہ چہارم گریڈ ایک تا گریڈ پانچ تک جو جونیئر کلرک کی اہلیت پر پورا اترتے ہوں، یعنی وہ میٹرک سیکنڈ ڈویژن میں پاس ہوں، ان کی ٹائپنگ سپیڈ پچیس الفاظ فی منٹ سے کم نہ ہو، سرکاری ملازمت کے تین برس مکمل کر چکے ہوں، سالانہ رپورٹ اچھی ہوں اور وہ نو انکوائری نو ڈیمانڈ سرٹیفیکیٹ حاصل کر چکے ہوں ، وہ ان کے لیے مختص بیس فیصد کوٹہ پر دس مئی تک درخواست دیں۔

محکمے ان خواہشمند ملازمین کی فہرستیں بنا کر بھجوائیں ، الیکشن کمیشن کی اجازت حاصل کرنے کے بعد ترقی کے لیے پروسیس مکمل کیا جائے گا۔