کشمیری حریت رہنما یاسین ملک کو عمر قید کی سزا دیے جانے کے خلاف زکریا یونیورسٹی میں احتجاج

ہہاء الدین زکریایونیورسٹی ملتان میں کشمیری حریت رہنما یاسین ملک کو عمر قید کی سزا دیے جانے کے خلاف طلباء طالبات اور اساتذہ نے احتجاجی مظاہرہ کیا

احتجاجی مظاہرہ کی قیادت وائس چانسلر بہاء الدین زکریایونیورسٹی ملتان پروفیسر ڈاکٹر منصو راکبر کنڈی نے کی، جبکہ منتظمین ڈی ایس اے ڈاکٹر فواد رسول،ِ آر آو ڈاکٹر طاہر محمود اور کشمیر سوسائٹی کے صدر عمار بزدار شامل تھے۔

اس موقعہ پر اے ایس اے کے صدر ڈاکٹر محمد ریاض ، اساتذہ کرام اور طلباء طالبات کی ایک بڑی تعداد نے شرکت کی، اور بنک چوک تک ریلی نکالی۔

اس موقعہ پر وائس چانسلر پروفیسر ڈاکٹر منصور اکبر کنڈی نے کہاکہ کشمیر میں انسانی حقوق کی سنگین خلاف ورزیاں جاری ہیں اور پاکستان کشمیری بھائیوں کی ہر سطح پر حمایت و مدد کرتا رہے گا۔