Breaking NewsNationalتازہ ترین
مقامی میر جعفروں نے امریکا کی ملی بھگت سے حکومت تبدیل کی:عمران خان
سابق وزیر اعظم عمران خان کا کہنا ہے کہ امریکی حمایت سے رجیم چینج کے خلاف نکلنے پر پاکستانیوں کا شکریہ ادا کرتا ہوں۔
سماجی رابطے کی ویب سائٹ ٹوئٹر پر اپنے بیان میں پاکستان تحریک انصاف کے چیئرمین عمران خان نے کہا کہ ملک بھر میں پاکستانی سڑکوں پر امڈ آئے، عوام نے امریکی حمایت سے حکومت کی تبدیلی کے خلاف جذبات دکھائے۔
عمران خان نے کہا کہ مقامی میر جعفروں نے امریکا کی ملی بھگت سے حکومت تبدیل کی، مقامی میر جعفروہ ٹھگ ہیں جو ضمانتوں پر رہا ہیں۔
انہوں نے کہا کہ پاکستانی ملک میں ہوں یا اوورسیز سب نے یہ گٹھ جوڑ مسترد کر دیا۔
قومی اسمبلی میں عمران خان کے خلاف تحریک عدم اعتماد کی کامیابی کے بعد سبکدوش ہونے والے وزیر اعظم کی حمایت میں ملک گیر مظاہرے جاری ہیں۔