کرپشن الزامات پر برطرف ہونے والی افسر کو بچانے کےلئے پی ٹی آئی کے رہنما متحرک
کرپشن کے الزامات میں عہدے سے ہٹائے جانے والی ڈپٹی ڈی ای او ایلمنٹری ویمن ملتان کو بچانے کےلئے سیاسی رہنما آگے آگئے ۔
محکمہ سکولز حکام نے کرپشن کے الزامات، قومی خزانے کو نقصان پہنچانے اور اپنے اختیارات سے تجاوز کرنے کے الزامات ثابت ہونے پر ڈی ڈی ای او ایلمنٹری ملتان ویمن سلطانہ رانا کو عہدے سے ہٹا کرپیڈا ایکٹ کے تحت کارروائی کا آغاز کیا تھا، تاہم اب پی ٹی آئی کے اہم رہنما کا شدید دباؤ آنے پر کارروائی رک گئی ۔
محکمہ سکولز ذرائع کے مطابق حال میں ملتان سے الیکشن جیتنے والے سیاسی رہنما نے میڈم سلطانہ رانا کو بحال کرانے کی کوشیش شروع کردی ہیں، ان کوسارا معاملہ بتایا گیا کہ وہ جاتے جاتے سرکاری گاڑی بھی لے گئیں ہیں ۔
مگر وہ سیاسی رہنما نہیں مانے لیکن تاحال سیکرٹریٹ ایجوکیشن کی طرف سے ان کی خواہش پوری نہیں کی گئی ہے ، اور ذرائع نے تصدیق کی ہے کہ انہیں شدید دباو کا سامنا ہے ۔
واضح رہے کہ تین برس قبل بھی سابق ڈی ڈی ای او کے خلاف کارروائی شروع ہوئی تو اسی سیاسی گھرانے کے کارروائی رکواکر ان کو بحال کرادیا تھا۔