پی بی سی سی کا اجلاس طلب کرلیا گیا

پنجاب بورڈ کمیٹی آف چیئرمینز کا اجلاس 13 جون بروز جمعہ دوپہر ڈھائی بجے طلب کر لیا گیا ہے، اجلاس میں تمام تعلیمی بورڈز کے چیئرمین شرکت کریں گے اور نتائج کے اعلان کی تاریخ کا حتمی فیصلہ کیا جائے گا۔

بورڈ حکام کے مطابق تاحال کسی بھی جماعت کے نتائج کی تاریخ حتمی طور پر طے نہیں کی گئی، تاہم پنجاب بھر کے تعلیمی بورڈز دہم جماعت کے سالانہ امتحانات 2025 کے نتائج 24 جولائی جبکہ نہم جماعت کے سالانہ امتحانات کے نتائج کا اعلان 16 اگست 2025 کرنے کی تجویز تیار کی گئی ہے جبکہ سیکنڈ اینول امتحان 10 ستمبر 2025 سے شروع ہوگا۔

حتمی منظوری پی بی سی سی اجلاس میں دی جائے گی۔