ایجوکیشن آفیسرز کی بڑی بیٹھک میں بڑے فیصلے
اساتذہ کی شخصیت اور قابلیت کوجانچنے کےلئے اور تدریسی مہارتوں کو بڑھانے کا فیصلہ ، ٹریننگ اینڈ اسسمنٹ کا سسٹم شفاف بنایا جائےگا ۔
تفصیل کے مطابق پنجاب بھر کے سی ای اوز کا اہم ورچوئل اجلاس منعقد ہوا، جس میں صوبائی وزیر تعلیم نے خصوصی شرکت کی۔
ذرائع کا کہنا ہے کہ کانفرنس میں اساتذہ کے لیے مختلف سکالرشپس، کپیسٹی بلڈنگ ورکشاپس اور پیشہ ورانہ تربیت کے مواقع اور ایسے کے حصول کے لیے اساتذہ کی نامزدگی کے طریقہ کار پر تفصیلی مشاورت ہوئی اور فیصلہ کیاگیاکہ محکمہ سکول ایجوکیشن صوبائی سطح پر جامعہ اور مربوط ٹریننگ نیڈ اسیسمنٹ کا انعقاد ، تدریسی مہارتوں کوبڑھانے کے لئے اور سبجیکٹ نالج کی جانچ پرکھ کے ساتھ ساتھ شخصیت اور کمیونیکیشن سکلز کی جانچ کے بعد ہر استاد کا پروفائل تیار کیا جائےگا۔
سی ای اوز کی تجویز پر ٹریننگ نیڈ اسیسمنٹ تحصیل کی سطح پر بروز ہفتہ اور اتوار کی جائے گی تا کہ تعلیم کا حرج نہ ہو، اس کےعلاوہ تمام سی ای اوز اے ای اوز سے مشاورت کے بعد تحصیل سطح پر ٹریننگ اینڈاسسمنٹ کی حکمت عملی تیار کریں گے۔
