پنجاب کے تعلیمی بورڈز نے ایک نیا نظام متعارف کرانے کا فیصلہ

نئے قانون کے تحت والدین اپنے بچوں کے امتحانی نتائج براہِ راست حاصل کرسکیں گے، 2026 کے تعلیمی سال سے والدین اپنے شناختی کارڈ نمبر کے ذریعے نتائج چیک کر سکیں گے۔ اس فیصلے کے بعد طلباء اپنے نتائج والدین سے چھپا نہیں سکیں گے۔

ابتدائی مرحلے میں یہ نظام نویں اور دسویں جماعت کے نتائج کے لیے نافذ کیا جائے گا جبکہ بعد میں اسے انٹرمیڈیٹ (گیارہویں اور بارہویں جماعت) کے نتائج تک بڑھا دیا جائے گا۔

واضح رہے تعلمی بورڈ ملتان میں ہرسال چھ لاکھ سے زائد امیدوار میٹرک اور انٹرمیڈیٹ کے امتحانات دیتے ہیں۔

حکام کے مطابق اس اقدام کا مقصد شفافیت میں اضافہ کرنا اور والدین کو اپنے بچوں کی تعلیم میں زیادہ متحرک بنانا ہے۔