سیلاب سے متاثر علاقوں کے سکولوں کےلئے نئی ہدایات جاری
پیف نے سیلاب سے متاثر علاقوں کے سکولوں کےلئے نئی ہدایا ت جاری کردیں ۔
جاری مراسلے میں کہاگیا ہے کہ سیلا ب کی وجہ سے کچھ اضلاع میں معاملات زندگی بری طرح متاثر ہوئے ہیں، ہنگامی حالات کے پیش نظر بچوں کی تعلیم اور ان کی حفاظت کےلئے خصوصی اقدامات کی ضرورت ہے ، پارٹنر سکول اس سلسلے میں ضروری اقدامات کریں ۔
بچوں کو اپنا نام، والدین کا نام، اور شہر، گاوں اور علاقے کا نام یاد کرائیں ، اگر سیلاب متاثرین کو کسی سرکاری جگہ پر پناہ دی گئی ہو تو وہاں صفائی ستھرائی رکھی جائے ، عمارت کو نقصان نہ پہنچایا جائے ، کھانا کمروں کے بجائے کھلی جگہ پر پکایا جائے ۔
عمارت کے فرنیچر کو ایندھن کے طور پر استعمال نہ کیا جائے ۔
کورونا کومد نظر رکھتے ہوئے ماسک کا استعمال لازمی کیا جائے ۔
طلباء کو سمجھایا جائے کہ مشکل حالات کے باوجود تعلیمی سلسلے کو جاری رکھنے کی کوشش کی جائے ۔
