پیف نے آوٹ سورس ہونے والے سکولوں میں کم تعلیم یافتہ ٹیچرز کی تعیناتی کا نوٹس لے لیا

جاری مراسلے میں کہاگیاہے کہ آؤٹ سورس سکولوں میں کم سے کم 14 سالہ تعلیم یافتہ اساتذہ کو ہی رکھا جاسکے گا، اساتذہ کی ریکروٹمنٹ کیلئے کم سے کم تعلیمی قابلیت بی اے یا بی ایس ای مقرر کردی گئی، احکامات پر عملدرآمد نہ کرنے والے لائسنسز کیخلاف محکمانہ کارروائی کی جائے گی۔

واضح رہے اس وقت 5 ہزار 869سکول آؤٹ سورس کیے جاچکے ہیں، مزید سکول رواں ماہ کے آخر تک آوٹ سورس کردئیے جائیں گے، دوسرے فیز کے بعد آؤٹ سورس سرکاری سکولوں کی تعداد 10 ہزار ہو جائے گی۔